← العودة إلى الصفحة الرئيسية
آسيا · أخبار عامة · DAP News

សម្តេចតេជោ ៖ កម្ពុជា-កាណាដា ត្រូវជំរុញទំហំពាណិជ្ជកម្ម ឱ្យកើនឡើងទៀត ទោះមានទំហំ ២ពាន់លានដុល្លារ

نشره DAP News · كمبوديا منذ 31 د
សម្តេចតេជោ ៖ កម្ពុជា-កាណាដា ត្រូវជំរុញទំហំពាណិជ្ជកម្ម ឱ្យកើនឡើងទៀត ទោះមានទំហំ ២ពាន់លានដុល្លារ
DAP News

ملخص مفصل

ភ្នំពេញ ៖ សម្តេចតេជោ ហ៊ុន សែន ប្រធានព្រឹទ្ធសភា មានប្រសាសន៍ថា ទំហំពាណិជ្ជកម្មរវាងប្រទេសកម្ពុជា-កាណាដា កើនឡើងប្រមាណជា ២ពាន់លានដុល្លារហើយ ប៉ុន្តែទោះបីជាយ៉ាងណាក៏ដោយក៏ទំហំនេះ…

ភ្នំពេញ ៖ សម្តេចតេជោ ហ៊ុន សែន ប្រធានព្រឹទ្ធសភា មានប្រសាសន៍ថា ទំហំពាណិជ្ជកម្មរវាងប្រទេសកម្ពុជា-កាណាដា កើនឡើងប្រមាណជា ២ពាន់លានដុល្លារហើយ ប៉ុន្តែទោះបីជាយ៉ាងណាក៏ដោយក៏ទំហំនេះ នៅមិនទាន់គ្រប់គ្រាន់នៅឡើយទេ ត្រូវតែជំរុញឱ្យកើនឡើងបន្ថែមទៀត។

ក្នុងឱកាសសម្តេចតេជោ អនុញ្ញាតឱ្យចូលជួបសម្តែងការគួរសម នៅថ្ងៃទី១៦ ខែវិច្ឆិកា ឆ្នាំ២០២៦ លោកស្រី Marie-France Lalonde សមាជិកសភាកាណាដាបានលើកឡើងថា ទំនាក់ទំនងពាណិជ្ជកម្មរវាងកម្ពុជា និងកាណាដាដាមានការរីកចម្រើន ដែលរហូតមកដល់បច្ចុប្បន្នមានប្រមាណ ជាង២ពាន់លានដុល្លារ ដែលជាទំហំពាណិជ្ជកម្មមួយមានការកើនឡើង ជាលំដាប់ដែលបង្ហាញអំពីកិច្ចសហប្រតិបត្តិការដ៏ល្អរវាងប្រទេសទាំងពីរ ។

ជាកិច្ចឆ្លើយតប សម្ដេចតេជោ សង្កត់ទៅលើបញ្ហាទាក់ទងទៅនឹងពាណិជ្ជកម្ម ដែលសម្ដេចឯកភាពទាំងស្រុង ដែលលោកជំទាវលើកឡើង អំពីទំហំពាណិជ្ជកម្មរវាងប្រទេសទាំងពីរមានការកើនឡើងក្នុងទំហំប្រមាណ២ពាន់លានដុល្លារ ដែលទំហំនេះជាទំហំ នៃការកើនឡើងជាបន្តបន្ទាប់។

លោក ជា ធីរិទ្ធ អ្នកនាំពាក្យព្រឹទ្ធសភាបានឱ្យដឹងនៅក្រោយជំនួបថា “យ៉ាងណាក៏ដោយសម្ដេចតេជោបានលើកឡើងថា ២ពាន់លានដុល្លារនេះ នៅមិនទាន់គ្រប់គ្រាន់ទេប្រទេសទាំងពីរ គឺត្រូវតែសហការគ្នាបន្ថែមទៀតដើម្បីជំរុញពាណិជ្ជកម្មរវាងកាណាដា និងកម្ពុជាឱ្យមានការកើនឡើងបន្ថែមទៀត” ។

បើតាមអ្នកនាំពាក្យ សម្ដេចតេជោបញ្ជាក់ថា ទំនាក់ទំនងពាណិជ្ជកម្ម សេដ្ឋកិច្ច និងការវិនិយោគ គឺជាចំណុចស្នូលនៃទំនាក់ទំនងការទូតរវាងប្រទេសទាំងពីរដែលទៅស្របគ្នាជាមួយនឹងទំនាក់ទំនងនយោបាយ។

សម្ដេចតេជោក៏ស្នើឱ្យលោកស្រីជួយគៀងគរអ្នកវិនិយោគរបស់កាណាដា មកវិនិយោគនៅក្នុងប្រទេសកម្ពុជាឱ្យមានការកើនឡើងបន្ថែមទៀត ៕

مطلع المقال، مقتطف من DAP News. لقراءة المقال كاملًا، افتحه على موقع الناشر.

اقرأ المقال كاملًا على DAP News سجّل الدخول للحفظ

يعرض MarketNews العنوان والملخص كما نشرتهما الوسيلة الإعلامية. المقال الكامل متوفر على موقع الناشر. (dap-news.com)