«ផ្កាអណ្ដែង» មុខម្ហូបប្រចាំតំបន់ដ៏ពេញនិយម មានតែ ១ ដងក្នុង ១ ឆ្នាំនៅខេត្តក្រចេះ
Resumen detallado
ចូលដល់ដើមរដូវរងា គឺនៅចន្លោះខែវិច្ឆិកា ដល់ខែមករា ពលរដ្ឋរស់នៅតាមដងទន្លេមេគង្គ The post «ផ្កាអណ្ដែង» មុខម្ហូបប្រចាំតំបន់ដ៏ពេញនិយម មានតែ ១ ដងក្នុង ១ ឆ្នាំនៅខេត្តក្រចេះ appeared first…
ចូលដល់ដើមរដូវរងា គឺនៅចន្លោះខែវិច្ឆិកា ដល់ខែមករា ពលរដ្ឋរស់នៅតាមដងទន្លេមេគង្គ ក្នុងខេត្តក្រចេះ តែងនិយមស្វែងរកមុខម្ហូបប្រពៃណីដ៏មានឱជារស និងជាអត្តសញ្ញាណប្រចាំតំបន់មួយ គឺ «ផ្កាអណ្ដែង» ដែលជាលក្ខណៈពិសេសមានតែមួយដងគត់ក្នុងមួយឆ្នាំ។
«ផ្កាអណ្ដែង» គឺជាប្រភេទរុក្ខជាតិទឹកអាយុវែង ដុះតាមផ្ទាំងថ្ម ដីកោះ តាមព្រែក និងដងទន្លេមេគង្គ ដែលមានដើមទន់ស្រួយ និងបណ្តោយខ្លួនទៅតាមផ្ទៃទឹក បឹងបួ ឬតំបន់លិចទឹក។ទោះបីជាដើមរបស់វាជាប្រភេទរុក្ខជាតិមិនងាប់ដាច់ពួជក៏ដោយ ប៉ុន្តែវាចេញផ្កាឲ្យប្រជាពលរដ្ឋបេះយកមកធ្វើម្ហូបបានតែក្នុងរយៈពេលខ្លីប៉ុណ្ណោះ គឺច្រើនសម្បូរចាប់ពីខែវិច្ឆិកា ខែធ្នូ ដល់ដើមខែមករា មុននឹងផុតរដូវ។
ផ្នែកដែលនិយមយកមកប្រើប្រាស់ គឺក្រពុំផ្កាឬផ្ការបស់វា ដែលមានរសជាតិឆ្ងាញ់ និងក្លិនក្រអូបឈ្ងុយបន្តិច។ ប្រជាពលរដ្ឋក្នុងតំបន់ច្រើននិយមយកផ្កាអណ្ដែងមកចម្អិនជាម្ហូបអាហារបែបប្រពៃណីខ្មែរជាច្រើនមុខ ដូចជា៖ធ្វើជាអន្លក់ ញ៉ាំផ្ទាប់ជាមួយទឹកគ្រឿង ឬប្រហុក និងធ្វើជាម្ហូបចម្អិន យកទៅស្លរកកូរជាមួយត្រីអណ្ដែង ត្រីពោ ឬសាច់ជ្រូកបីជាន់ និងធ្វើជាសម្លម្ជូរគ្រឿងផងដែរ។វត្តមាន នៃ «ផ្កាអណ្ដែង» មិនត្រឹមតែជាប្រភពអាហារធម្មជាតិដ៏មានតម្លៃក្នុងមូលដ្ឋានប៉ុណ្ណោះទេ ប៉ុន្តែវាក៏ជាចំណីអាហារតំណាងឲ្យរដូវកាល និងជីវភាពរស់នៅដ៏ផ្សារភ្ជាប់នឹងដងទន្លេមេគង្គ របស់អ្នកខេត្តក្រចេះផងដែរ៕
Inicio del artículo, extracto de កម្ពុជាថ្មី Kampuchea Thmey. Para leer el resto, abra el artículo en el sitio del medio.
MarketNews muestra el titular y el resumen publicados por el medio. El artículo completo se lee en el sitio del editor. (www.kampucheathmey.com)
