បណ្ណាល័យព្រឹទ្ធសភា ចាប់ផ្តើមបើកដំណើរការផ្តល់សេវាសិក្សាស្រាវជ្រាវជូនសាធារណជន ពីពេលនេះតទៅ

ملخص مفصل

បណ្ណាល័យព្រឹទ្ធសភា នឹងបើកដំណើរការផ្តល់សេវាសិក្សា និងស្រាវជ្រាវជូនសាធារណជនទូទៅ ដោយអនុញ្ញាតឱ្យសមាជិក The post បណ្ណាល័យព្រឹទ្ធសភា…

បណ្ណាល័យព្រឹទ្ធសភា នឹងបើកដំណើរការផ្តល់សេវាសិក្សាស្រាវជ្រាវជូនសាធារណជនទូទៅ ដោយអនុញ្ញាតឱ្យសមាជិក សមាជិកាព្រឹទ្ធសភា មន្ត្រីរាជការ សិស្ស និស្សិត និងសាធារណជន អាចចូលសិក្សាស្រាវជ្រាវនៅបណ្ណាល័យជារៀងរាល់ថ្ងៃធ្វើការ។

យោងតាមសេចក្តីជូនដំណឹងរបស់អគ្គលេខាធិការដ្ឋានព្រឹទ្ធសភា នៅថ្ងៃទី១១ ខែវិច្ឆិកា ឆ្នាំ២០២៦ បញ្ជាក់ថា បណ្ណាល័យព្រឹទ្ធសភានឹងផ្តល់សេវាជូនសាធារណជន ២វេនក្នុងមួយថ្ងៃ ដោយវេនព្រឹកចាប់ពីម៉ោង ៧:៣០នាទី ដល់ម៉ោង ១១:០០នាទី និងវេនរសៀលចាប់ពីម៉ោង ១៤:៣០នាទី ដល់ម៉ោង ១៧:០០នាទី។

ការបើកផ្តល់សេវានេះ នឹងចាប់ផ្តើមអនុវត្តចាប់ពីថ្ងៃជូនដំណឹងនេះតទៅ ដើម្បីបង្កលក្ខណៈងាយស្រួលដល់សាធារណជនក្នុងការសិក្សា ស្វែងយល់ និងស្រាវជ្រាវ។

គួរបញ្ជាក់ថា បណ្ណាល័យព្រឹទ្ធសភា គឺជាបណ្ណាល័យរបស់ព្រឹទ្ធសភានៃព្រះរាជាណាចក្រកម្ពុជា ដែលមានសៀវភៅឯកសារសម្បូរបែប មិនថាទាក់ទងនឹងចំណេះដឹងទូទៅ ប្រវត្តិសាស្ត្រ ច្បាប់ សេដ្ឋកិច្ច និងនយោបាយ ជាដើម-ល-៕

مطلع المقال، مقتطف من កម្ពុជាថ្មី Kampuchea Thmey. لقراءة المقال كاملًا، افتحه على موقع الناشر.