← Volver a la portada
Asia · Actualidad general · កម្ពុជាថ្មី Kampuchea Thmey

កសិករតាមព្រំដែនកម្ពុជា​ ថៃ សម្រុកប្រមូលផលដំឡូងជ្វា តែតម្លៃទាបជាងឆ្នាំមុន

Publicado por កម្ពុជាថ្មី Kampuchea Thmey · Camboya hace 1 h
កសិករតាមព្រំដែនកម្ពុជា​ ថៃ សម្រុកប្រមូលផលដំឡូងជ្វា តែតម្លៃទាបជាងឆ្នាំមុន
កម្ពុជាថ្មី Kampuchea Thmey

Resumen detallado

ប្រជាកសិករដែលរស់នៅតាមបណ្ដោយខ្សែបន្ទាត់ព្រំដែនកម្ពុជា-ថៃ កំពុងចាប់ផ្ដើមសម្រុកប្រមូលផល.... The post កសិករតាមព្រំដែនកម្ពុជា​ ថៃ សម្រុកប្រមូលផលដំឡូងជ្វា តែតម្លៃទាបជាងឆ្នាំមុន appeared…

ប្រជាកសិករដែលរស់នៅតាមបណ្ដោយខ្សែបន្ទាត់ព្រំដែនកម្ពុជា-ថៃ កំពុងចាប់ផ្ដើមសម្រុកប្រមូលផលដំឡូងជ្វា ស្របពេលដែលតម្លៃស្រុតចុះយ៉ាងខ្លាំង គឺខុសពីឆ្នាំមុនជិតពាក់កណ្ដាល ដែលបញ្ហានេះសង្ស័យ បណ្ដាលមកពីកត្តាពីរយ៉ាង ទីមួយគឺ ឆ្នាំនេះកសិករសម្រុកដាំដំឡូងជ្វាស្ទើរគ្រប់ផ្ទះ និងទីពីរ គឺកសិករចាប់ផ្ដើមប្រមូលផលព្រមៗគ្នា ដែលធ្វើឱ្យឈ្មួញមានឱកាសទម្លាក់តម្លៃបាន។

នៅក្នុងភូមិលំផាត់ ឃុំអូរដា ស្រុកកំរៀង ខេត្តបាត់ដំបង មានប្រជាពលរដ្ឋប្រមាណ ៣ គ្រួសារ ដែលដាំដំឡូងជ្វាច្រើនជាងគេ ដូចជាលោក ប៉ក់ ពៅ អាយុ ៥០ឆ្នាំ លោក ហង្ស សោភ័ណ អាយុ ៤៦ឆ្នាំ និង លោកស្រី ហឿង ស្រីលក្ខណ៍ អាយុ ៤៥ឆ្នាំ បានត្អូញត្អែរថា ការប្រមូលផលលើកនេះ គឺខាតច្រើនណាស់បើគិតទៅលើឈ្នួល ភ្ជួររាស់ ឈ្នួលដាំ និងឈ្នួលកម្មករប្រមូលផល ដោយម្នាក់ៗ ដាំដំឡូងជ្វានេះចាប់ពី ៣ ទៅ ៤ ហិកតា ដោយម្នាក់ៗ ខាតប្រមាណ ២ ទៅ ៣ លានរៀល នេះបើតាមការប៉ាន់ស្មាននៅក្នុងដំណាក់កាលប្រមូលផលលើកដំបូងនេះ។

បច្ចុប្បន្នប្រជាពលរដ្ឋដែលរស់នៅក្នុងភូមិលំផាត់ ក៏ដូចជាប្រជាកសិករដទៃទៀតដែលរស់នៅតាមបណ្ដោយព្រំដែន គឺកំពុងសម្រុកប្រមូលផលដំឡូងជ្វា យ៉ាងគគ្រឹកគគ្រេង ប៉ុន្តែដំឡូងជ្វានៅខែប្រមូលផលនេះ តម្លៃធ្លាក់ចុះយ៉ាងខ្លាំងបើប្រៀបធៀបទៅនឹងឆ្នាំកន្លងទៅ ដោយបច្ចុប្បន្នក្នុង ១ គីឡូក្រាមលក់បានថ្លៃត្រឹមតែ ៦០០ រៀល ប៉ុណ្ណោះ ស្មើនឹង ១តោន ថ្លៃ ៦០មុឺនរៀល បើប្រៀបធៀបនឹងខែមិថុនា និង កក្កដា ឆ្នាំមុន តម្លៃដល់ទៅ ១០០០រៀល ក្នុង ១ គីឡូក្រាម ស្មើ ១ លានរៀលក្នុង១តោន។

បើទោះបីជាតម្លៃដំឡូងជ្វាឆ្នាំនេះមានការធ្លាក់ចុះយ៉ាងគំហុកក៏ដោយ ក៏ប្រជាកសិករដែលប្រកបមុខរបរនេះត្រូវតែបង្ខំចិត្តលក់ ព្រោះវាជារដូវដែលត្រូវប្រមូលផលទៅហើយ ម្យ៉ាងវិញទៀតបញ្ហានេះក៏ដោយសារតែពួកគាត់ចាប់ផ្ដើមប្រមូលផលដំណាលគ្នា វាជាឱកាសធ្វើឲ្យឈ្មួញអាចទម្លាក់តម្លៃបានយ៉ាងងាយ ប៉ុន្តែទិន្នផលនៅឆ្នាំនេះបានកើនឡើងជាងឆ្នាំមុន។ ទោះបីយ៉ាងនេះក៏ដោយក៏ប្រជាកសិករមានការថ្ងួចថ្ងូរយ៉ាងខ្លាំង ដោយសារតែតម្លៃធ្លាក់ចុះជិតពាក់កណ្ដាលនៅឆ្នាំកន្លងទៅ ៕

Inicio del artículo, extracto de កម្ពុជាថ្មី Kampuchea Thmey. Para leer el resto, abra el artículo en el sitio del medio.

Leer el artículo completo en កម្ពុជាថ្មី Kampuchea Thmey Inicie sesión para guardar

MarketNews muestra el titular y el resumen publicados por el medio. El artículo completo se lee en el sitio del editor. (www.kampucheathmey.com)

También te puede interesar