តម្លៃ ប្រេងឆៅបន្តឡើងថ្លៃបន្ទាប់ពី ...

ملخص مفصل

តម្លៃប្រេងឆៅបន្តឡើងថ្លៃនៅថ្ងៃអង្គារ ទី១៥ ខែកញ្ញា បន្ទាប់ពីការវាយប្រហារលើហេដ្ឋារចនាសម្ព័ន្ធថាមពលរបស់អារ៉ាប៊ីសាអូឌីត

តម្លៃ​ប្រេងឆៅបន្តឡើងថ្លៃបន្ទាប់ពី​បំពង់បង្ហូរប្រេងអារ៉ាប៊ីសាអូឌីត​រងការបំផ្លាញ

តម្លៃប្រេងឆៅបន្តឡើងថ្លៃនៅថ្ងៃអង្គារ ទី១៥ ខែកញ្ញា បន្ទាប់ពីការវាយប្រហារលើហេដ្ឋារចនាសម្ព័ន្ធថាមពលរបស់អារ៉ាប៊ីសាអូឌីត បានធ្វើឱ្យបំពង់បង្ហូរប្រេង East-West Pipeline ផ្អាកដំណើរការ និងបង្កើនការព្រួយបារម្ភអំពីការផ្គត់ផ្គង់ប្រេងនៅលើទីផ្សារពិភពលោក។ នេះបើតាមការចុះផ្សាយរបស់ Reuters។

តាម Reuters តម្លៃប្រេង Brent បានកើនឡើង ១,២៤ ដុល្លារ ឬ ១,១៨% ដល់ ១០៦,៩៣ ដុល្លារក្នុងមួយបារ៉ែល ខណៈប្រេងអាមេរិក West Texas Intermediate (WTI) កើនឡើង ១,២៩ ដុល្លារ ឬ ១,២៤% ដល់ ១០២,៦៥ ដុល្លារក្នុងមួយបារ៉ែល។

ការកើនឡើងនេះកើតឡើងបន្ទាប់ពីក្រុម Houthi ដែលមានទំនាក់ទំនងជាមួយអ៊ីរ៉ង់ បានបើកការវាយប្រហារដោយមីស៊ីល និងដ្រូនលើមូលដ្ឋានទ័ពអាកាស Khamis Mushait នៅភាគខាងត្បូងអារ៉ាប៊ីសាអូឌីត។ ក្រុមនេះអះអាងថា ការវាយប្រហារនេះជាការឆ្លើយតបទៅនឹងការវាយប្រហាររបស់អារ៉ាប៊ីសាអូឌីតនៅយេម៉ែន។

មុននេះ ការវាយប្រហារកាលពីថ្ងៃសុក្រ ដែលអារ៉ាប៊ីសាអូឌីតចោទថាពាក់ព័ន្ធនឹងក្រុមប្រយុទ្ធដែលគាំទ្រដោយអ៊ីរ៉ង់ពីអ៊ីរ៉ាក់ បានធ្វើឱ្យបំពង់បង្ហូរប្រេង East-West Pipeline ត្រូវផ្អាក។ បំពង់នេះមានសារៈសំខាន់សម្រាប់អារ៉ាប៊ីសាអូឌីត ព្រោះវាអាចបញ្ជូនប្រេងប្រហែល ៤លានបារ៉ែលក្នុងមួយថ្ងៃ ទៅកាន់កំពង់ផែ Yanbu នៅសមុទ្រក្រហម ដោយជៀសវាងការដឹកជញ្ជូនតាមច្រកសមុទ្រ Hormuz។ ចំនួននេះស្មើប្រហែល ៤% នៃការផ្គត់ផ្គង់ប្រេងពិភពលោក។

អ្នកជួញដូរប្រេងកំពុងតាមដានយ៉ាងដិតដល់ថា តើបំពង់បង្ហូរប្រេងនេះនឹងអាចដំណើរការឡើងវិញនៅពេលណា។ ប្រសិនបើការផ្អាកអូសបន្លាយ អារ៉ាប៊ីសាអូឌីតអាចប្រឈមនឹងការថយចុះសមត្ថភាពនាំចេញប្រេងយ៉ាងខ្លាំង ដោយសារស្តុកនៅកំពង់ផែ Yanbu អាចគ្រប់គ្រាន់សម្រាប់ការនាំចេញត្រឹមប្រហែល ៥ទៅ៧ថ្ងៃ។

ជាមួយគ្នានេះ ចរាចរណ៍នាវាដឹកទំនិញឆ្លងកាត់ ច្រកសមុទ្រ Hormuz ក៏បានធ្លាក់ចុះដែរ។ ចុងសប្តាហ៍កន្លងទៅ ចំនួននាវាឆ្លងកាត់មានតិចជាង ១០នាវាក្នុងមួយថ្ងៃ បើប្រៀបធៀបនឹងមធ្យមប្រហែល ១៤នាវាក្នុងមួយថ្ងៃក្នុងរយៈពេល១០ថ្ងៃមុន។ មុនពេលសង្គ្រាមផ្ទុះឡើង ច្រកនេះជាផ្លូវដឹកជញ្ជូនប្រហែល មួយភាគប្រាំនៃការផ្គត់ផ្គង់ប្រេងពិភពលោក។

អ្នកវិភាគព្រមានថា ប្រសិនបើការរំខានដល់បំពង់បង្ហូរប្រេងអារ៉ាប៊ីសាអូឌីត និងច្រក Hormuz បន្តអូសបន្លាយ តម្លៃប្រេងអាចកើនឡើងបន្ថែមទៀត ដែលនឹងបង្កើនសម្ពាធលើតម្លៃថាមពល អតិផរណា និងសេដ្ឋកិច្ចពិភពលោក៕

អាសយដ្ឋាន អគារ​លេខ ៣០៨ មហាវិថីព្រះមុន្នីវង្ស…

مطلع المقال، مقتطف من Sabay News. لقراءة المقال كاملًا، افتحه على موقع الناشر.