តម្លៃប្រេងធ្លាក់ជាង ១ ...
Detailed summary
តម្លៃប្រេងពិភពលោកបានធ្លាក់ចុះជាង ១% ក្នុងការជួញដូរដំបូងនៅអាស៊ី ថ្ងៃចន្ទ ទី២ ខែវិច្ឆិកា ខណៈមន្ត្រីអ៊ីរ៉ង់ និងកាតាបបន្តកិច្ចចរចាឈានដល់ថ្ងៃទី៣ ដើម្បីស្វែងរកកិច្ចព្រម ...
តម្លៃប្រេងធ្លាក់ជាង ១% ខណៈកិច្ចចរចាបន្តស្វែងរកដំណោះស្រាយបញ្ចប់សង្គ្រាមអ៊ីរ៉ង់នៅតែមាន
តម្លៃប្រេងពិភពលោកបានធ្លាក់ចុះជាង ១% ក្នុងការជួញដូរដំបូងនៅអាស៊ី ថ្ងៃចន្ទ ទី២ ខែវិច្ឆិកា ខណៈមន្ត្រីអ៊ីរ៉ង់ និងកាតាបបន្តកិច្ចចរចាឈានដល់ថ្ងៃទី៣ ដើម្បីស្វែងរកកិច្ចព្រមព្រៀងបញ្ចប់សង្គ្រាមរវាងអ៊ីរ៉ង់ និងសហរដ្ឋអាមេរិក-អ៊ីស្រាអែល។ ការបន្តកិច្ចការទូតបានបន្ធូរបន្ថយការព្រួយបារម្ភមួយចំនួនអំពីការកើនឡើងនៃជម្លោះ និងការរំខានដល់ការផ្គត់ផ្គង់ប្រេង។ នេះបើតាមការចុះផ្សាយរបស់ Reuters នៅព្រឹកថ្ងៃទី២ ខែវិច្ឆិកា នេះ។
តម្លៃប្រេងឆៅ Brent បានធ្លាក់ចុះ ១,៥៩ ដុល្លារ ឬ ១,៤% មកនៅ ១១១,៨៤ ដុល្លារក្នុងមួយបារ៉ែល ខណៈប្រេងឆៅអាមេរិក West Texas Intermediate (WTI) បានធ្លាក់ចុះ ១,៥៦ ដុល្លារ ឬ ១,៥% មកនៅ ១០២,៥៦ ដុល្លារក្នុងមួយបារ៉ែល។
អ្នកវិភាគបានពន្យល់ថា ការធ្លាក់ចុះនេះជាការកែតម្រូវតម្លៃបន្ទាប់ពីប្រេងបានឡើងខ្លាំងកាលពីសប្តាហ៍មុន។ ក្តីសង្ឃឹមថាកិច្ចចរចាអាចមានវឌ្ឍនភាព និងការមិនមានការកើនឡើងធ្ងន់ធ្ងរនៃសកម្មភាពយោធាកាលពីចុងសប្តាហ៍ បានជួយបន្ធូរបន្ថយសម្ពាធលើទីផ្សារក្នុងរយៈពេលខ្លី។
រដ្ឋមន្ត្រីការបរទេសអ៊ីរ៉ង់ លោក Abbas Araghchi បាននិយាយថា កិច្ចពិភាក្សាជាមួយអ្នកសម្របសម្រួលកាតាកំពុងបន្ត ហើយអ៊ីរ៉ង់ត្រៀមខ្លួនសម្រាប់ទាំងការទូត និងការការពារខ្លួន។ ទោះជាយ៉ាងណា ទីផ្សារនៅតែប្រុងប្រយ័ត្នចំពោះលទ្ធភាពនៃការកើនឡើងភាពតានតឹងក្រោយការបោះឆ្នោតពាក់កណ្តាលអាណត្តិនៅសហរដ្ឋអាមេរិក។
ការវាយប្រហារលើនាវាដឹកប្រេងដែលធ្វើដំណើរតាមច្រកសមុទ្រ Hormuz នៅតែបង្កើនថ្លៃដឹកជញ្ជូន និងថ្លៃថាមពលពិភពលោក។ ការរំខានលើផ្លូវដឹកជញ្ជូនសំខាន់នេះ និងភាពមិនច្បាស់លាស់នៃសង្គ្រាមនៅតែជាកត្តាធំដែលអាចជំរុញតម្លៃប្រេងឱ្យប្រែប្រួល។
អាសយដ្ឋាន អគារលេខ ៣០៨ មហាវិថីព្រះមុន្នីវង្ស សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
Opening of the article, excerpted from Sabay News. To read the rest, open the article on the publisher's site.
MarketNews shows the headline and summary published by the outlet. The full article is on the publisher's website. (news.sabay.com.kh)
