ជោគជ័យជាងគេ! ក្រុមខេត្តត្បូងឃ្មុំ ប្រកួត​វគ្គ​ផ្តាច់​ព្រ័ត្រ លើកទី៦ ពានសម្តេចតេជោ ថ្នាក់ខេត្ត ថ្ងៃ​អាទិត្យ​នេះ

Résumé détaillé

សម្រាប់ការឡើងដល់វគ្គផ្តាច់ព្រ័ត្រថ្នាក់ខេត្តចំនួន ៥ លើកកន្លងមក ក្រុមខេត្តត្បូងឃ្មុំ បានឈ្នះជើងឯក ២ លើក The post ជោគជ័យជាងគេ! ក្រុមខេត្តត្បូងឃ្មុំ ប្រកួត​វគ្គ​ផ្តាច់​ព្រ័ត្រ លើកទី៦…

ក្រុមបាល់ទាត់ខេត្តត្បូងឃ្មុំ នឹងប្រកួតជាមួយក្រុមខេត្តបាត់ដំបង យូណៃធីត ក្នុងវគ្គផ្តាច់ព្រ័ត្រ ដណ្តើមជើងឯកពានរង្វាន់សម្តេចអគ្គមហាសេនាបតីតេជោ ហ៊ុន សែន លើកទី២០ ថ្នាក់ខេត្ត នៅវេលាម៉ោង ៦ ល្ងាច ថ្ងៃអាទិត្យ ទី១៥ ខែវិច្ឆិកា ឆ្នាំ២០២៦ នៅកីឡដ្ឋានភ្នំពេញក្រោន។

នេះជាលើកទី៦ ដែលក្រុមខេត្តត្បូងឃ្មុំ បានឈានដល់វគ្គផ្តាច់ព្រ័ត្រថ្នាក់ខេត្ត ប៉ុន្តែជាលើកទី១ សម្រាប់ក្រុមខេត្តបាត់ដំបង យូណៃធីត។ ត្បូងឃ្មុំ ជាក្រុមដែលទទួលបានជោគជ័យច្រើនជាងគេក្នុងពានសម្តេចតេជោ ថ្នាក់ខេត្ត ដោយបានឡើងដល់វគ្គផ្តាច់ព្រ័ត្រច្រើនជាងក្រុមដទៃ ក្នុងចំណោមការប្រកួតថ្នាក់ខេត្តចំនួន ៩ លើកកន្លងមក។

សម្រាប់ការឡើងដល់វគ្គផ្តាច់ព្រ័ត្រថ្នាក់ខេត្តចំនួន ៥ លើកកន្លងមក ក្រុមខេត្តត្បូងឃ្មុំ បានឈ្នះជើងឯក ២ លើក និងទទួលបានចំណាត់ថ្នាក់ជើងឯករងចំនួន ៣ លើក។ ការឡើងវគ្គផ្តាច់ព្រ័ត្រលើកទី១ នៅឆ្នាំ២០១៩ ពួកគេបានឈ្នះក្រុមខេត្តសៀមរាប ដោយលទ្ធផល ១-០ ដើម្បីក្លាយជាម្ចាស់ជើងឯក។

នៅឆ្នាំ២០២០ ក្រុមខេត្តត្បូងឃ្មុំ បានឈានដល់វគ្គផ្តាច់ព្រ័ត្រជាលើកទី២ ប៉ុន្តែបានចាញ់ក្រុមខេត្តព្រៃវែង និងទទួលបានចំណាត់ថ្នាក់ជើងឯករង។ នៅឆ្នាំ២០២១ ពួកគេបានឡើងដល់វគ្គផ្តាច់ព្រ័ត្រជាថ្មី ប៉ុន្តែជាអកុសល បានចាញ់ក្រុមខេត្តកោះកុង ដោយលទ្ធផល ០-៣ និងទទួលបានចំណាត់ថ្នាក់ជើងឯករងជាលើកទី២។

សម្រាប់ឆ្នាំ២០២២ ក្រុមខេត្តត្បូងឃ្មុំ មិនបានចូលរួមប្រកួតទេ។ លុះដល់រដូវកាល ២០២៣-២៤ ពួកគេបានឈានដល់វគ្គផ្តាច់ព្រ័ត្រជាលើកទី៤ ប៉ុន្តែបានចាញ់ក្រុមខេត្តកំពង់ចាម ដោយលទ្ធផល ០-២ និងទទួលបានចំណាត់ថ្នាក់ជើងឯករងជាលើកទី៣។

សម្រាប់ការឡើងវគ្គផ្តាច់ព្រ័ត្រលើកទី៥ នៅរដូវកាល ២០២៤-២៥ ទើបក្រុមខេត្តត្បូងឃ្មុំបានស្គាល់រសជាតិជើងឯកជាលើកទី២ បន្ទាប់ពីបានយកឈ្នះក្រុមខេត្តកំពង់ចាម ដោយបាល់ប៉េណាល់ទីកាត់សេចក្តី ៣-២ ក្រោយប្រកួតស្មើគ្នា ១-១។

នៅរដូវកាល ២០២៥-២៦ ក្រុមខេត្តត្បូងឃ្មុំ ទទួលបានត្រឹមចំណាត់ថ្នាក់លេខ៣ ប៉ុណ្ណោះ។ ចំណែករដូវកាលថ្មី ២០២៦-២៧ នេះ ពួកគេបានឈានដល់វគ្គផ្តាច់ព្រ័ត្រជាលើកទី៦ ដោយត្រូវជួបក្រុមខេត្តបាត់ដំបង យូណៃធីត។

សូមបញ្ជាក់ថា នៅថ្ងៃសៅរ៍ ទី១៤ ខែវិច្ឆិកា ក៏មានការប្រកួតដណ្តើមចំណាត់ថ្នាក់លេខ៣ រវាងក្រុមខេត្តកោះកុង និងក្រុមខេត្តព្រះសីហនុ នៅកីឡដ្ឋានភ្នំពេញក្រោនផងដែរ៕

Début de l'article, extrait de កម្ពុជាថ្មី Kampuchea Thmey. Pour lire la suite, ouvrez l'article chez le média.